Ma'lumotlarni tiklash
Tahlil qilinadigan axborot tashuvchilar va tizimlar
Qattiq disklar — HDD
SSD qurilmalari
USB flesh-xotiralar
Server disk massivlari
Tarmoq xotira qurilmalari
Virtual mashinalar
Zaxira nusxalari
Boshqa elektron axborot tashuvchilar
Ma’lumotlar tiklanishi mumkin bo‘lgan holatlar
- Fayllarning tasodifan o‘chirilishi
- Disk yoki bo‘limning formatlanishi
- Fayl tizimining buzilishi
- Disk bo‘limlarining yo‘qolishi
- Ma’lumotlar bazasining buzilishi
- Noto‘g‘ri yangilanish yoki konfiguratsiya o‘zgarishi
- Foydalanuvchi yoki administrator xatosi
- Kiberhujum oqibatida ma’lumotlarning o‘chirilishi yoki o‘zgartirilishi
Ma’lumotlarni tiklash jarayoni
01
Dastlabki diagnostika
Axborot tashuvchining texnik holati va ma’lumotlarning saqlanib qolish darajasi baholanadi.
02
Bitli nusxa olish
Qurilmaga qo‘shimcha zarar yetkazmaslik uchun uning bitli nusxasi yoki disk tasviri yaratiladi.
03
Texnik tahlil
Fayl tizimi, disk bo‘limlari, kataloglar, metama’lumotlar va buzilgan fragmentlar o‘rganiladi.
04
Qayta tiklash
Tiklash imkoniyati mavjud fayllar aniqlanib, alohida xavfsiz axborot tashuvchiga qayta tiklanadi.
Tahlil va qayta tiklash ishlari
Tiklash jarayonida, avvalo, axborot tashuvchining texnik holati va ma’lumotlarning saqlanib qolish darajasi baholanadi. Shundan so‘ng qurilmaga qo‘shimcha zarar yetkazmaslik uchun uning nusxasi yoki disk tasviri olinib, asosiy tahlil mazkur nusxa ustida amalga oshiriladi.
Tahlil davomida fayl tizimi tuzilmasi, o‘chirilgan bo‘limlar, kataloglar, fayl metama’lumotlari va buzilgan ma’lumotlar fragmentlari o‘rganiladi. Maxsus dasturiy hamda dasturiy-texnik vositalar va usullar yordamida qayta tiklash imkoniyati mavjud bo‘lgan fayllar aniqlanadi hamda qayta tiklanadi.
Muhim ma’lumot
Ma’lumotlarni tiklash imkoniyati qurilmaning texnik holati, fayllar ustiga yangi ma’lumot yozilganligi va qurilmaning shikastlanish darajasiga bog‘liq. Shu sababli barcha ma’lumotlarni to‘liq tiklash har doim ham kafolatlanmaydi.
Xizmat yakunida amalga oshiriladigan ishlar
- Tiklash imkoniyati baholanadi
- Qurilmaning bitli nusxasi yoki disk tasviri orqali ma’lumotlar qayta tiklanadi
- Qayta tiklangan ma’lumotlar alohida xavfsiz tashuvchiga ko‘chiriladi
- Tiklangan fayllarning holati va yaxlitligi tekshiriladi
Yakuniy natija
Tiklash ishlari yakunida qayta tiklangan ma’lumotlar xavfsiz axborot tashuvchiga joylashtiriladi va ularning yaxlitligi hamda foydalanishga yaroqlilik holati tekshiriladi.
+99871 203 00 23
Kiberhodisa haqida xabar berish: incident[at]uzcert.uz
Toshkent shahar, Mirobod tumani,
Taras Shevchenko ko‘chasi 20-uy
