WordPress ning “The Events Calendar” Plaginda SQL Injection zaifligi
WordPress platformasining mashhur plaginlaridan biri bo‘lgan “The Events Calendar” plaginida jiddiy xavfsizlik zaifligi aniqlangan. Bu zaiflik “SQL Injection” turiga kiradi va CVE-2024-8275 nomi bilan ro‘yxatga olingan. Zaiflik plaginning 6.6.4 va undan oldingi barcha versiyalariga ta’sir qiladi. Ushbu maqolada zaiflikning qanday qilib ishlashi, uning oqibatlari va undan himoyalanish yo‘llari haqida so‘z yuritamiz.
CVE-2024-8275 zaifligi, plaginning `tribe_has_next_event` funksiyasidagi ‘order’ parametri orqali yuzaga keladi. Bu parametr foydalanuvchi tomonidan kiritilgan ma’lumotlarni yetarlicha xavfsiz ravishda qayta ishlay olmagani sababli SQL injektsiyaga olib kelishi mumkin. Ya’ni, hujumchi ushbu parametr orqali o‘ziga kerakli SQL so‘rovlarini qo‘shimcha qilishi va shu orqali ma’lumotlar bazasidan maxfiy ma’lumotlarni olish imkoniyatiga ega bo‘ladi. Bu zaiflikdan foydalanish uchun hujumchiga hech qanday autentifikatsiya talab qilinmaydi, ya’ni, saytdagi ro‘yxatdan o‘tmagan foydalanuvchi ham zaiflikdan foydalanishi mumkin.
Ta’sir doirasi va oqibatlari
Mazkur zaiflikning ta’siri juda yuqori bo‘lib, u quyidagi yo‘nalishlarda saytlarga zarar yetkazishi mumkin:
1. Maxfiylikka Ta’siri (Confidentiality Impact): Hujumchi ma’lumotlar bazasiga kirib, foydalanuvchilarning shaxsiy ma’lumotlarini o‘qishi mumkin.
2. Butunlikka Ta’siri (Integrity Impact): Ma’lumotlar bazasidagi mavjud ma’lumotlarni o‘zgartirish yoki zararli ma’lumotlarni kiritish imkonini beradi.
3. Faollikka Ta’siri (Availability Impact): Baza serverining resurslarini o‘zlashtirib, saytning normal ishlashiga to‘sqinlik qilishi mumkin.
Zaiflikning foydalanish murakkabligi juda past bo‘lib, hujumchi tarmoqqa ulanish imkoniyatiga ega bo‘lsa, uni juda oson amalga oshirishi mumkin.
Ushbu zaiflikdan himoyalanish uchun, *The Events Calendar* plaginini 6.6.5 yoki undan yuqori versiyaga yangilash tavsiya etiladi. Yangi versiyada `tribe_has_next_event` funksiyasidagi `order` parametri xavfsizlik talablari asosida himoyalangan. Agar saytingizda ushbu plaginning zaif versiyasi ishlatilayotgan bo‘lsa va yangilash imkoniyati mavjud bo‘lmasa, `tribe_has_next_event` funksiyasidan foydalanish to‘xtatilishi kerak.
CVE-2024-8275 zaifligi WordPress asosidagi ko‘plab saytlarga xavf tug‘diradi. Ushbu zaiflikdan himoyalanish uchun plaginlar doimiy ravishda yangilanib borilishi kerak. Dasturchilar va sayt egalari zaifliklarning oldini olish maqsadida xavfsizlik yangilanishlarini kuzatib borishlari va ularni o‘z vaqtida amaliyotga tadbiq etishlari lozim
Batafsil qo’shimcha malumotlar uchun:
