Microsoft’dan iyul 2025 yangilanishi: Windows 10 uchun KB5062554 xavfsizlik yangilanishini chiqarildi

Microsoft kompaniyasi 2025-yil 9-iyul, seshanba kuni — an’anaviy “Patch Tuesday” doirasida Windows 10 tizimi uchun navbatdagi yirik xavfsizlik yangilanish paketini — KB5062554 yangilanishini taqdim etdi. Bu yangilanish Windows 10 versiyalari 21H2 va 22H2, shuningdek Enterprise LTSC 2021 hamda IoT Enterprise LTSC 2021 tahrirlariga taalluqlidir.

Yangilanish tarkibida xavfsizlikni mustahkamlovchi tuzatishlar, tizim barqarorligi va unumdorligini oshiruvchi yaxshilanishlar mavjud bo‘lib, foydalanuvchilar uchun muhim ahamiyat kasb etadi. Shu bilan birga, KB5063706 raqamli servis stack update (SSU) ham chiqarildi. U yangilanish jarayonining ishonchliligini oshirishga qaratilgan.

Microsoft ushbu yangilanish orqali jami 130 ta zaiflikni bartaraf etganini ma’lum qildi. Ulardan:

  • 🛡 41 ta – masofadan kod ishlatish (RCE)
  • 🔓 53 ta – huquqni oshirish (EoP)
  • 🔍 18 ta – ma’lumot sizib chiqishi (Information Disclosure)
  • ❌ 5 ta – xizmatdan foydalanishni rad etish (DoS)
  • 🕵️ 4 ta – qalbakilashtirish (Spoofing)
  • 🧾 1 ta – ma’lumotni buzish (Data Tampering)
  • 🚪 8 ta – xavfsizlik mexanizmlarini chetlab o‘tish (Security Feature Bypass)

Ushbu zaifliklar haqida batafsil ma’lumot Microsoft Security Update Guide orqali taqdim etilgan.

Quyidagi Windows 10 versiyalari uchun KB5062554 dolzarb:

  • Windows 10, versiya 22H2 (barcha tahrirlar)
  • Windows 10 Enterprise LTSC 2021
  • Windows 10 IoT Enterprise LTSC 2021

Shuningdek, yangilanishga iyun oyi yangilanishlari KB5060533 va KB5061087 tarkibidagi barcha tuzatishlar ham kiritilgan.

Microsoft, Secure Boot (Xavfsiz yuklanish) sertifikatlarining 2026-yil iyun oyidan boshlab muddati tugashi haqida ogohlantirdi. Bu esa, o‘z vaqtida yangilanmagan qurilmalarda yuklanishdagi muammolarga olib kelishi mumkin. Kompaniya foydalanuvchilarga sertifikatlar va CA (sertifikat markazlari) bilan bog‘liq rasmiy ko‘rsatmalarni o‘rganib chiqib, zarur choralarni ko‘rishni tavsiya qilmoqda.

⚙️ O‘rnatish Usullari

  • Windows Update: Internetga ulanib turgan qurilmalarga avtomatik yuklanadi.
  • Microsoft Update Catalog: Yangilanishni qo‘lda yuklab olish mumkin.
  • WSUS (korporativ tarmoqlar uchun): Tashkilotlar WSUS orqali o‘rnatishni amalga oshirishi mumkin.

Agar qurilmada hali KB5003173 (2021-yil 11-may) yoki undan keyingi LCU o‘rnatilmagan bo‘lsa, KB5005260 (2021-yil 10-avgustdagi SSU) yoki KB5031539 (2023-yil 13-oktabr SSU) o‘rnatilishi zarur.

Garchi KB5062554 o‘rta va yirik miqyosdagi zaifliklarni tuzatishga qaratilgan bo‘lsa-da, u foydalanuvchi tajribasini ham sezilarli darajada yaxshilaydi. Microsoft foydalanuvchilarga yangilanishni imkon qadar tezroq o‘rnatishni qat’iy tavsiya qilmoqda.

Tafsilotlarni Microsoft rasmiy saytida, MSRC Security Update Guide yoki Windows 10 Update History sahifasida topishingiz mumkin.