“Intruder”, “Pentest Tools” va “Attaxion” – Qaysi kiberxavfsizlik vositasi sizga mos?

Kiberxavfsizlik har qachongidan ham muhim bo‘lgan bugungi raqamli davrda hatto kichik tashkilotlar ham kiberxurujlardan himoyalanishi zarur. Biroq bu yo‘lda byudjet va resurslarning yetishmovchiligi muhim muammolardan biri bo‘lib qolmoqda. Ayniqsa, bitta emas, bir nechta xavfsizlik vositalarini xarid qilish va ularga xizmat ko‘rsatish imkoni bo‘lmagan tashkilotlar eng zaruriy ehtiyojlariga mos, moslashuvchan yechimlarni tanlashga majbur bo‘lishadi.

Tashqi, ya’ni internetga ochiq aktivlarni himoyalashda esa tashkilotlar uch xil yo‘nalishdagi vositalar o‘rtasida tanlov qiladi:

  • Intruder.io – avtomatlashtirilgan zaifliklarni aniqlovchi va boshqaruvchi (DAST) platforma;
  • Pentest Tools – keng imkoniyatlarga ega penetratsion test (hujumni simulyatsiya qilish) vositalari to‘plami;
  • Attaxion – tashqi hujum sirtini doimiy ravishda kuzatib boruvchi EASM (External Attack Surface Management) platformasi.

Quyida ushbu vositalarning afzallik va kamchiliklarini, narxlari va imkoniyatlarini tahlil qilamiz. Maqola so‘ngida esa kichik byudjetli tashkilotlar uchun eng optimal tanlovni ko‘rsatamiz.

Intruder.io: Uzluksiz zaifliklarni boshqarish quroli

Intruder.io 2015-yilda ishga tushirilgan va bugungi kunda eng mashhur xavfsizlik vositalaridan biri hisoblanadi. Bu platforma ichki va tashqi tarmoqlar, veb-ilovalar, API’lar kabi raqamli infratuzilmalarni uzluksiz skanerlash va zaifliklarni aniqlash uchun mo‘ljallangan.

Intruder to‘rt xil reja taklif qiladi:

  • Essential – $99/oy: faqat asosiy skanerlash imkoniyati (oyda bir marta), aktivlarni aniqlash yoki ichki tarmoqni skanerlash funksiyalari mavjud emas.
  • Cloud – $153/oy: asosiy funksiyalar, bulut integratsiyasi orqali aktivlarni avtomatik aniqlash.
  • Pro – $204/oy: ichki tarmoqlarni ham qamrab oladi.
  • Enterprise – narxi muzokara asosida: kengaytirilgan funksiyalar – subdomain aniqlash, API monitoringi, xavf ustuvorligini baholash.

Asosiy funksiyalari:

  • Zaifliklarni aniqlash: OpenVAS, OWASP ZAP va boshqa skanerlardan foydalaniladi. Yangi paydo bo‘lgan tahdidlarni tezda aniqlash imkoniyati mavjud.
  • Aktivlarni aniqlash: faqat Cloud, Pro va Enterprise rejalarda mavjud. AWS, Azure, GCP va Cloudflare bilan integratsiya mavjud.
  • Integratsiyalar: GitHub, GitLab, Slack, Teams, Jira, ServiceNow va boshqa mashhur tizimlar bilan birlashadi.

Afzalliklari:

  • Yangi zaifliklarni tez aniqlash
  • Foydalanishga qulay interfeys
  • Kuchli integratsiya imkoniyatlari

Kamchiliklari:

  • Narxi nisbatan qimmat
  • Aktivlar ro‘yxatini yangilash qiyin bo‘lishi mumkin

Pentest Tools: Qulay va keng qamrovli xavfsizlik test vositasi

Pentest Tools – veb-asosli platforma bo‘lib, penetratsion test (ya’ni xuddi haqiqiy xaker kabi hujumni simulyatsiya qilish) va zaifliklarni baholash imkoniyatlarini beradi.

  • Free, Basic, Advanced, Teams va Enterprise rejalari mavjud.
  • $85/oydan boshlanadi.
  • Yillik obunaga 15% chegirma, 10 kunlik pulni qaytarish kafolati.

Asosiy funksiyalari:

  • Aktivlarni aniqlash: 9 ta maxsus vosita – subdomain skaneri, port aniqlovchi, Google hacking va boshqalar.
  • Zaiflik skaneri: 11 ta skaner va 5 ta ekspluatatsiya vositasi mavjud.
  • Risk baholash: CVSS va EPSS asosida ustuvorliklar belgilanadi. Foydalanuvchi o‘zi ham xavf darajasini belgilay oladi.
  • Integratsiya: Faqat Teams va Enterprise rejalarida mavjud (Slack, Jira, Discord va boshqalar).

Afzalliklari:

  • Penetratsion test qilish uchun eng yaxshi vosita
  • Kengaytirilgan funksiyalar
  • Nisbatan arzon

Kamchiliklari:

  • Ko‘proq qo‘lda boshqaruv talab etadi
  • Faol aktiv aniqlash yo‘q
  • Integratsiya past rejalarda mavjud emas

Attaxion: Tashqi hujum sirtini avtomatik boshqarish

Attaxion – tashqi aktivlarni aniqlash va monitoring qilishga ixtisoslashgan zamonaviy EASM platformasi. Bu vosita tashkilotga tegishli barcha internetga ochiq aktivlarni (hatto o‘zi bilmaganlarini ham) aniqlab, xavfsizlik holatini doimiy nazorat qiladi.

  • Starter – $129/oy
  • Plus – $349/oy
  • Business – $949/oy
  • Enterprise – maxsus kelishuv asosida

Farqli jihati: barcha funksiyalar har bir tarifda mavjud, narx faqat aktivlar soniga qarab oshadi. 30 kunlik to‘liq funksiyali bepul sinov bor.

Asosiy funksiyalari:

  • Aktivlarni avtomatik aniqlash: domen, IP, subdomain, email, bulut aktivlari va h.k. Vizual aktiv xaritasi mavjud.
  • Zaifliklarni aniqlash: passiv va faol skanerlash, OWASP ZAP, port skaneri, texnologiya aniqlash.
  • Ustuvorliklarni belgilash: CVSS, EPSS, CISA KEV kabi mezonlar asosida.
  • Integratsiyalar: Slack, Jira, AWS, Azure, Google Cloud va boshqa xizmatlar bilan birlashadi.

Afzalliklari:

  • Avtomatik va keng qamrovli aktivlarni aniqlash
  • Doimiy monitoring
  • Ustuvorliklarni aniqlovchi aqlli mexanizm
  • Narxi raqobatbardosh

Kamchiliklari:

  • Hisobotlar dizayni Pentest Tools kabi moslashtirilmagan

Tanlov tashkilotingizning ehtiyojiga bog‘liq:

VositaKimlar uchun mos?
Intruder.ioDavomiy zaiflik monitoringi, yaxshi interfeys, ko‘p integratsiya istovchilar uchun
Pentest ToolsPenetratsion testga e’tibor qaratadigan, arzon narxli va qo‘lda boshqaruvga tayyor jamoalar uchun
AttaxionAktivlarini to‘liq avtomatik aniqlash va doimiy monitoringga muhtoj tashkilotlar uchun

Agar byudjetingiz yetarli bo‘lsa, uchalasidan ham foydalanish mumkin:
Attaxion – aktivlarni topadi,
Intruder – doimiy xavfsizlikni kuzatadi,
Pentest Tools – xavfsizlikni chuqur test qiladi.

Ammo kichik jamoa yoki resurslari cheklangan tashkilotlar uchun bitta vosita tanlashga to‘g‘ri keladi.

Bunday hollarda Attaxion – eng maqbul tanlov.

Uning keng qamrovli avtomatik aktiv aniqlash imkoniyati, uzluksiz monitoringi va oqilona ustuvorlik belgilash tizimi tashkilotingizni internetdagi ko‘rinmas tahdidlardan ham samarali himoya qilishi mumkin.